What Dangal movie suggests us!!

దంగల్..
ఆడ పిల్లను ‘ఆడ’పిల్ల గా చూడొద్దని చెప్పే సినిమా

మన ఇంట్లో పుట్టిన పాపానికి..ఎవడో ఒకడి చేతిలో పెట్టి తొందరగా ఇంట్లోంచి పంపేసి పుణ్యమ్ కట్టుకోవాలనుకునే తల్లిదండ్రుల ఆలోచన మార్చేది దంగల్..

దొంగచాటుగా స్కానింగ్ తీయించి కడుపులో వున్నది స్త్రీలింగం అని తెలిస్తే బ్రూణ హత్య చేయించే ‘మగ’ పురుషులకు బుద్ధి వచ్చే సినిమా దంగల్

మగ పిల్లాడిని ప్రయివేట్ స్కూల్ కి ఆడ పిల్లని గవర్నమెంట్ స్కూల్ కి పంపి తమ శాడిజాన్ని చూపించుకునే మాతృ,పితృ వర్యులందరి మనసు
మార్చేది దంగల్..

వారసుడి కోసం, వంశంకురం కోసం పరితపించే చాదస్తపు, ముదనష్టపు మూర్ఖత్వానికి మందు దంగల్..

ఆడ పిల్లకు అంట్లు తోమటం, ఆవకాయ పచ్చడి పట్టటం,అత్తారింట్లో ఎలా నడుచుకోవాలో నేర్పితే చాలు అనుకునే పైత్యం నుంచి విముక్తి కల్పించేది దంగల్..
………
సినిమా అంటే గాల్లోకి లేచే సుమోలు, నాలుగు బూతు మాటలు, ఒంటి మీద గుడ్డలు తీసేసి ఆడే మూడు పాటలు, నోట్లో నోరు పెట్టే వికృత దృశ్యాలు కాదు అని చెప్పేది దంగల్..
అమ్మాయి’ అంటే హీరో పక్కన రెండు పాటల్లో క్లైమాక్స్ ఫైటింగ్ దగ్గర కనిపించే హీరోయిన్ కాదని చెప్పేదే దంగల్..
ఆడపిల్లని చూడగానే వయసుతో సంబంధం లేకుండా మీసాలు రాని పిల్లాడి నుంచి పళ్ళు ఊడి పోయిన ముసలాడి వరకు కళ్ళల్లో కారిపోయే కామం కాదని గుర్తు చేసేది దంగల్..
………………
దంగల్..
చెన్నైలో డిండిగల్ తలపాకట్టిలో పొంగల్ తింటున్నప్పుడు ఈ సినిమా పోస్టర్ చూశా…
మొదట ఈ టైటిల్ కు అర్ధమే నాకు తెలీదు..
అందులోను దేశంలో అసహనం పెరిగిపోతోందని, దేశం విడిచి వెళ్లిపోవాలనిపిస్తోందని అమీర్ ఖాన్ వ్యాఖ్యానించినప్పుడు చాలామంది లాగానే నాకు అతని పై విపరీతమైన కోపం వచ్చింది..
అమీర్ పై సదాభిప్రాయం లేకపోవడం వల్ల ఈ సినిమా చూడాలన్న ఆసక్తి కలగలేదు..
ఏదో ‘కుస్తీ’ పోటీల మీద తీసిన సినిమాలే అనుకున్నా..
అందులోను సుల్తాన్ అద్భుతమైన సినిమా ఇదే కుస్తీ పోటీల పై వచ్చింది కాబట్టి ఈ సినిమాలో పెద్దగా విషయం ఏమీ ఉండదులే అనుకున్నా..
…………………..
ఇప్పటికి నేను దంగల్ అంటే అర్ధం ఏంటో తెలుసుకోలేదు..ఇకపై తెలుసుకోవాల్సిన అవసరం లేదు..
నాకు అర్ధమైన ‘అర్ధం’..
దంగల్ అంటే కూతురు ‘భారం’ కాదు బంగారంతో వేయాల్సిన ‘తులాభారం’
ఆడపిల్లంటే కోటిరూపాయాల కట్నం ఇవ్వడానికి దాచుకోవాల్సిన తండ్రి దాయవల్సిన బాధ్యత కాదు..
ఆడ పిల్లంటే తల్లిదండ్రులకు ‘కోటి’ ఆశలు, ‘కొండంత’ నమ్మకం…

Leave a Reply

Your email address will not be published. Required fields are marked *